close
材料：
- 雞翼 700克 (約16隻)
- 薑 2片
- 冬菇 10 隻
- 甘荀 1 條
- 西芹 4 片
- 生抽（醬油）1 1/2茶匙
- 老抽 1/2茶匙
- 糖 1/2茶匙
- 粟粉 1茶匙
- 紹酒 1茶匙 (可以隨意增加或減少)
- 胡椒粉 少許
- 鹽 少許
- 雞翼先洗淨,用鹽水浸10-15分鐘,可以令雞翼皮更加脆身,同時可以去除雪味.
- 先將雞翼拆骨.用可剪骨較剪,剪開雞翼頭尾骨(白色部份),然後將雞翼棟企用手指或刀仔慢慢將肉削離雞骨,雞翼中間兩條骨就會慢慢離肉而退出.
- 雞翼拆骨後用醃料,醃20-25分鐘備用.
- 待雞翼入味後才釀入有關餡料.以免餡料漏出.(餡料可以按自已喜好而轉換)
- (餡料)西芹洗淨去絲,切粗條 , 長度較雞翼為長便可。先拖一拖熱水備用。如喜歡西芹較爽脆就不用拖水.洗淨便可。
- (餡料)甘荀,洗淨去皮切粗條,長度較雞翼為長便可。先拖一拖熱水備用。
- (餡料)冬菇用熱水浸至軟身,揸去水份,切粗條備用。
- 待雞翼拆好骨及醃至入味就可以將(4-6)餡料釀入雞翼內.盡量填滿雞翼,三種餡料各一條釀入雞翼內.或自行調節分量,但不可太過量,以免雞翼因太多餡而爆開.
- 落2荼匙油, 燒熱油鑊 , 爆香薑片。轉慢火先煎透雞翼一邊,直至雞翼表面呈金黃色為至,再轉另一面亦是以細火慢煎。待雞翼煎至熟透後便可以撈起 .
- 準備隔油紙,隔去多餘油份,便可以準備上碟.
全站熱搜
留言列表
